Las Pinas CVSO and CAO inspect public market 

Bilang pagtitiyak na mahigpit na maipatutupad ang implementasyon ng 60-araw na price ceiling ng karne ng baboy at manok ,nagpapatuloy ang isinasagawang price monitoring at sorpresang inspeksiyon ng Las Pinas City Government sa pangangasiwa ng City Veterinary Services Office at City Agriculture Office, sa mga supermarket, pamilihang bayan at talipapa sa ating lungsod.

Ngayong araw, February 8,2021, ininspeksiyon nina CVSO meat inspector Jerome Maapoy at CAO staff Marivic Bosque ang loob at labas ng Zapote Market at Annex Talipapa upang i-monitor ang mga presyo ng karne ng baboy at manok maging ng iba pang pangunahing bilihin.

Layunin nitong madetermina kung nasusunod ang price ceiling na itinakda ng gobyerno matapos ang malaking pagtaas ng presyo ng karne ng baboy at manok sa mga pamilihan sa Metro Manila sa panahon ng pandemya.

Ang mga mahuhuling lalabag ay iisyuhan ng show cause order o maaaring suspensiyon ng lisensiya sa kanilang pagtitinda.

Asahan ang pag-iikot ng mga kinatawan ng CVSO at CAO sa iba't ibang lugar sa lungsod.

Muli pinaalalahanan ang lahat na mag-ingat,maging disiplinado at patuloy na sumunod sa health and safety protocols.